Հատուկ առաջարկ

Երկօրյա Դիլիջան | Բնություն, պատմություն և ավանդույթներ

Կարծիքներ

Այս շրջագայությունը Ձեզ կտանի Հյուսիսային Հայաստանի ամենագեղեցիկ վայրերից մի քանիսը, որտեղ միահյուսվում են բնությունը, պատմությունն ու մշակույթը։

Շրջագայությունը սկսվում է Դիլիջանում, որտեղ կզբոսնենք քաղաքի հին թաղամասի փողոցներով։ Այստեղ կարող եք այցելել Հովհաննես Շարամբեյանի անվան թանգարան՝ տեսնելու հայկական ավանդական գորգերի, խեցեգործության և փայտամշակման հավաքածուները, կամ պարզապես հանգստանալ թանգարանի այգում։

Այնուհետև կուղղվենք դեպի անտառների մեջ գտնվող Հաղարծնի վանք և կայցելենք Եղնիկների բազմացման կենտրոն, որտեղ կծանոթանաք տեղի բնության պահպանության ծրագրերին։

Ճանապարհը շարունակվում է դեպի Իջևան։ Քաղաքում կշրջենք Քանդակների այգում, կլինենք Սուրբ Ներսես Շնորհալի եկեղեցում և կտեսնենք բարձունքում վեր խոյացող «Մայր Հայաստան» հուշարձանը։

Տուրի ավարտին, ըստ ցանկության, կայցելենք Իջևանի գինու և կոնյակի գործարան, որտեղ հնարավոր է համտեսել տեղական արտադրանքն ու ծանոթանալ գինեգործության ավանդույթներին։

Նշում: Եղանակային պայմաններից ելնելով Հաղարծին վանական համալիրի այցելությունը կարող է ժամանակավորապես հասանելի չլինել։